சிறு குறு விவசாயி சான்றிதழ் வழிகாட்டி

சிறு குறு விவசாயி சான்று பெறுவது எப்படி?

விவசாயிகளுக்கு மத்திய அரசு பலவகையான சலுகைகள் மற்றும் திட்டங்களை அறிமுகம் செய்கிறது. அந்த வகையில் சிறு குறு விவசாயி சான்றிதழ் வைத்திருப்பவர்கள் பின்வரும் பயன்களைப் பெறலாம்:

சொட்டு நீர் பாசனம், தெளிப்பு நீர் பாசனம் அமைத்தல்.
ஆழ்துளை கிணறு அமைத்தல்.
தோட்டக்கலை துறையில் யூரியா, பொட்டாசியம் மற்றும் விதைகள் மானியம் பெறுதல்.

1. தகுதிகள் (Eligibility)

இந்த சான்றிதழைப் பெற விரும்பும் விவசாயிகளுக்கு பின்வரும் தகுதிகள் அவசியம்:

விண்ணப்பிக்கும் விவசாயியின் நிலம் 5 ஏக்கருக்குள் இருக்க வேண்டும்.
எத்தனை சர்வே எண்கள் (Survey Numbers) இருந்தாலும் அனைத்தையும் ஒன்றாக இணைக்கலாம்.
சிட்டா (Chitta) யார் பெயரில் உள்ளதோ, அவர்கள் பெயரில் மட்டுமே விண்ணப்பிக்க முடியும்.
ஒருவேளை உரிமையாளர் இறந்துவிட்டால், வாரிசுதாரர்கள் இறப்புச் சான்றிதழை வைத்து விண்ணப்பிக்கலாம்.
கூட்டுப் பட்டாவாக இருந்தால், கிராம நிர்வாக அலுவலரிடம் (VAO) உங்கள் பங்கு எவ்வளவு என்று அடங்கல் பெற வேண்டும்.

2. தேவைப்படும் ஆவணங்கள்

விண்ணப்பிக்கத் தேவையான ஆவணங்களின் பட்டியல்:

விண்ணப்பதாரரின் புகைப்படம் (Photo)
சிட்டா சான்றிதழ் (Chitta)
அடங்கல் சான்றிதழ் (Adangal)
ஆதார் அட்டை (Aadhaar Card)
ஸ்மார்ட் ரேஷன் கார்டு (Smart Card)
கூட்டுப் பட்டா எனில் - பத்திரம் அல்லது வில்லங்கச் சான்று (EC)

விண்ணப்பக் கட்டணம்: ₹60 மட்டும்.

3. ஆன்லைனில் விண்ணப்பிக்கும் முறை

STEP 1: பதிவு செய்தல்

முதலில் TNeSevai இணையதளம்-க்குச் செல்லவும். அதில் 'Citizen Login' என்பதை கிளிக் செய்யவும்.

ஏற்கனவே கணக்கு இருந்தால் User Name & Password கொடுத்து உள்நுழையவும். புதிய பயனர் என்றால் "New User? Sign Up here" என்பதை கிளிக் செய்து பதிவு செய்யவும்.

STEP 2: துறை தேர்வு செய்தல்

உள்நுழைந்த பிறகு, Revenue Department என்பதை தேர்வு செய்யவும். அதில் Small / Marginal Farmer Certificate என்ற ஆப்ஷனை கிளிக் செய்யவும்.

STEP 3: விவரங்கள் மற்றும் ஆவணங்கள்

CAN Number: முதலில் CAN எண்ணை பதிவு செய்து, விண்ணப்பதாரர் விவரங்களை பூர்த்தி செய்யவும்.

விதிமுறைகளைப் படித்துவிட்டு Proceed கொடுக்கவும். பிறகு நில விவரங்களை உள்ளிட்டு, Self Declaration படிவத்தில் கையெழுத்திட்டு பதிவேற்றவும்.

ஆவணங்கள் பதிவேற்றம் (Upload Documents):

புகைப்படம்
சிட்டா & அடங்கல்
Self Declaration Form
ஆதார் & ஸ்மார்ட் கார்டு (Address Proof)
பத்திரம் அல்லது EC (Other Documents)

STEP 4: கட்டணம் செலுத்துதல்

ஆவணங்களைச் சரிபார்த்து Make Payment கிளிக் செய்யவும். டெபிட் கார்டு அல்லது நெட் பேங்கிங் மூலம் ₹60 செலுத்தவும்.

விண்ணப்பம் சமர்ப்பிக்கப்பட்ட பிறகு, ஓரிரு நாட்களில் சான்றிதழ் வழங்கப்படும். இதே இணையதளத்தில் முகப்புப் பக்கத்தில் உள்ள Status பகுதியில் விண்ணப்ப நிலையை அறிந்து கொள்ளலாம்.